9. Felisak gogoratzen duena... Juanita, donostiar aberatsa

Abaltzisketan bazen ohitura bat zenbait baserritan: amona Manuela nodriza izan zen. Joxeren esne berak Juanita hezi zuen, doña Juanaren alaba. Señora honek bere seme-alaba guztiak Abaltzisketan hezi zituen. Hazi arte uzten zituen herrian, lanik ematen ez zutenera arte. Doña Juana aberatsa zen eta beraiek oso pobreak. Oilo hoberenak, oilasko ederrenak señorarentzat gordetzen zituzten baserrian, gosez amorratzen zeuden bitartean. Gero, bai. “Odolkiak ordainetan” gustura jasotzen zien. Juanitak, konkretuki, urtero bidaltzen zuen bere lehengusuaren gozotegiko pakete handi bat. Azken urte parean ez zuen bidali... Urteak izango zituen hark ere...!