Irastorzadak

1982ko otsailaren 14an bildu ginen Olaberrian, amona Jobitaren urtemuga zela-eta. Ondoren ia urtero ospatzeko ohitura hartu genuen, aukera bakarretakoa baikenuen familia osoa elkar ikusteko.

Goian, Irastorza senideak daude ama Jobita inguratuz. Ondoan, berriz, Irastorzatar lehengusuak, amona Jobita eta bere ahizpa moja, Mariana, inguratuz.





Ezkerrean Irastorza senideak eta bere bikoteak agertzen dira, ama Jobita eta izeba Mariana inguratuz.

Amonaren ahizpa zen Mariana ere gustura etortzen zen festara.

Lehenengo urte hauetan soinu eta guzti izaten genuen eta, bazkaria bukatu ondoren, dantzan jo eta ke aritzen ginen. Egia esateko, gazteenak mugiaraztea zailago izaten zen, baina oso giro alaia zegoen mahai inguruetan ere.

1985eko argazki honetan Irastorza ahizpak eta koinatak ikusten ditugu.

Amonari opariren bat egin ohi zitzaion, bere urtemuga baitzen bazkarira deitzeko aitzakia. Hala ere, esan beharra dago bazkaria ez zela beti urtemugaren data horietan egingo, jende gehiena bilduko zenean baizik. Oporrak, azterketak... gauza askori ekidin behar zitzaion.

Azkeneko argazkietan Irastorza senideak ezkerrean eta Irastorzak eta bere bikotekideak eskuinean, amona Jobitarekin. 1991ko argazkia da.

• Abizenak
• Garaiko gertakariak
• Mamonea baserria
• Eskola
• Gerra Zibila
• Lanbideak eta gaztaroko bizitza
• Soldadutza-Tetuanera
• Soldadutza-Tetuanen
• Soldadutza-Zigorrak
• Soldadutza-Zaldibiara itzultzen
• Saturdiko kaminoa
• Ezkontza
• Teodororen senideak
• Irastorzadak